Take two: What does community mean to you?
An dàrna turas: Dè tha coimhearsnachd a' ciallachadh dhutsa?
Let's have a look at this conversation again.
Dè tha coimhearsnachd a' ciallachadh dhutsa?
What does community mean to you?
Tha am facal coimhearsnachd a' peantadh dealbh nam inntinn. San dealbh sin tha caochladh rudan, àitichean agus dhaoine.
The word community paints a picture in my mind. In that picture there are various things, places and people.
Iongantach! Nach innis thu dhuinn mu dheidhinn?
Amazing! Won't you tell us about it?
Uill, tha diofar ìrean de choimhearsnachd ann, dhòmhsa co-dhiù. Tha talla na coimhearsnachd againn, a' bhùth agus Oifis a' Phuist, mar eisimpleir.
Well, there are different levels of community, at least for me. We have the community hall, the shop and the Post Office, for example.
Tha gun teagamh. Sin far am bi thu a' coinneachadh ri daoine, ach an e coimhearsnachd a tha sin?
Yes, without a doubt. That's where you meet people, but is that a community?
Uill, 's iad àitichean sònraichte sa choimhearsnachd far a bheil sinn a' fuireach. Càit am bi thusa a' bruidhinn ri daoine sa choimhearsnachd?
Well, they are special places in the community where we live. Where do you talk to people in the community?
Tha diofar choimhearsnachdan againne mar theaghlach, far a bheil a' chlann agam a' dol don ionad-spòrs is an amar-snàimh, no a' frithealadh na sgoile. Ach na pàrantan san sgoil! 'S e coimhearsnachd eile agus sgeul eile a tha sin!
We have different communities as a family, where my children go to the sports centre and the swimming pool or attend school. But the parents at school! That's another community and another story!
Tha e follaiseach gu bheil coimhearsnachdan anns gach àite, le diofar dhaoine agus amasan fa leth. Ach nach eil e a' ciallachadh mòran a bharrachd na sin?
It is obvious that there are communities everywhere, with different people and individual goals. But doesn't it mean much more than that?
A bheil thu a' bruidhinn air coimhearsnachdan eaglaise no àitichean adhraidh?
Are you talking about church communities or places of worship?
Tha gu dearbh. Nach e coimhearsnachdan a th' annta?
Yes of course. Aren't they communities?
Agus dè mu dheidhinn daoine a chumas taic riut?
And what about people who support you?
Tha nàbaidhean ann a bheireadh lioft dhut a dh'àiteigin, no coimhearsnaich a bheireadh beagan siùcair no uighean dhut mura robh iad agad.
There are neighbours who would give you a lift somewhere, or neighbours who would give you some sugar or eggs if you didn't have them.
An toireadh tusa rudan dha na nàbaidhean agadsa?
Would you give things to your neighbours?
Bheireadh, uair sam bith.
I would (give), anytime.