Gaelic

Tha luchd-leasachaidh a tha ag iarraidh tuathanas-gaoithe a stèidheachadh anns an Eilean Sgitheanach airson conaltradh ris a' choimhearsnachd mu na planaichean.

Thathas ag iarraidh 20 crann-gaoithe a chur suas faisg air Breacais.

Ach tha cuid de mhuinntir na coimhearsnachd air comataidh a chur air bhonn a tha a' cur an aghaidh nam molaidhean.

Tha seo mar phàirt de ghrunn phlanaichean a tha san amharc a thaobh cumhachd ath-nuadhachail san eilean.

Nan rachadh cead a thoirt seachad do gach sgeama, bhiodh eadar 100 agus 150 crann-gaoithe mòr air feadh an eilein.

Ach tha draghan air nochdadh gun toireadh obair-leasachaidh dhen t-seòrsa seo ann am Breacais buaidh air an àrainneachd ionadail, agus mar sin dheth gun toireadh e droch bhuaidh air gnìomhachas turasachd an eilein.

A rèir an fheadhainn a th' air cùlaibh nam planaichean ge-tà tha conaltradh leis a' choimhearsnachd aig cridhe a' ghnothaich, agus thathas a' dèanamh tòrr smaoineachaidh mu na làraichean as fheàrr mus bithear gan comharrachadh.

"Tha mi ag aithneachadh nan rachadh gach sgeama a cheadachadh gum biodh sin a' cruthachadh fada a bharrachd cumhachd na tha feum air anns an eilean," thuirt Steve Macken bho Lomond Energy.

"Ach 's e deagh rud a th' anns a' chothrom sin.

Mar sin dheth, tha e fìor chudromach dhuinne, mar luchd-leasachaidh, a bhith a' dèanamh conaltraidh ri muinntir na sgìre agus fios a chumail riutha,” thuirt e.

English

Developers who want to establish a wind farm in Skye want to communicate with the community about the plans.

It is proposed that 20 wind turbines be erected near Breakish.

But some people in the community have set up a committee which opposes the proposals.

This is part of several planned plans for renewable energy in the island.

If permission were to be given to each scheme, there would be between 100 and 150 large wind turbines across the island.

But concerns have emerged that development work of this type in Breakish would affect the local environment, and as such it would have a negative impact on the island's tourism industry.

According to those behind the plans, however, communication with the community is at the heart of the matter, and a lot of thinking is taking place about the best sites before they are identified.

"I recognise that if each scheme were to be approved that would create far more power than is needed in the island," said Steve Macken from Lomond Energy.

"But that opportunity is a good thing.

Therefore, it is very important for us, as developers, to communicate with the people of the area and keep them informed," he said.