Historical heroes
Ceatharnaich eachdraidheil
Let's have a look at this discussion. By the end of this section, you will have learned some valuable phrases that you can use in lots of different conversations.
Nach cuireamaid na seòid uirsgeulach gu aon taobh? Cò na ceatharnaich eachdraidheil a th' againn?
Let's [Can we not] set aside the legendary heroes? Who are our historical heroes?
Chan eil fhios an e curaidh a bh' ann, ach bha e treun is dàna, agus b' e sin Alasdair Mac Colla Chiotaich MacDhòmhnaill.
I don't know if he was a champion, but he was brave and daring, and that was Alasdair Mac Colla Chiotaich MacDhòmhnaill. [Sir Alexander MacDonald].
Cha chuala mi riamh an t-ainm sin. Ciotach? A bheil thu cinnteach nach eil thu a' tarraing asainn?
I have never heard that name. [Left-handed?] Are you sure you're not kidding us on?
Tha mi cinnteach nach eil! 'S e oifigear armailteach is duin' uasal de Chlann Dòmhnaill a bh' ann a choisinn cliù dha fhèin ann an Cogadh nan Trì Rìoghachdan. Rinn e fhèin agus an armachd aige sgrios air na Caimbeulaich agus air an fhearann aca.
I am not! He was a soldier and nobleman of Clan Donald who won fame for himself in the War of the Three Kingdoms. He and his army killed (some of the) Campbells and destroyed their land.
Cha chuireadh e gu bàs ach a nàimhdean!? Nach eil curaidh againn nach robh a' cur às do dhaoine?
He would only kill “bad” people!? Don't we have a hero who didn't kill people?
Cha do chuir Màiri Nighean Alasdair Ruaidh, Sìleas na Ceapaich agus Màiri Mhòr (nan Òran), bana-bhàird agus bana-ghaisgich uile, duine gu bàs, cho fada agus is aithne dhomh.
Màiri Nighean Alasdair Ruaidh, Sìleas na Ceapaich and Màiri Mhòr (of the Songs), all poets and heroines, did not put anyone to death, as far as I know.
Glè mhath, ach cha tug duine iomradh fhathast air an tè ainmeil, Fionnghal NicDhòmhnaill, a fhuair binn phrìosain airson taic a chumail ris a' Phrionnsa Teàrlach, Teàrlach Òg Stiùbhart, an dèidh Blàr Chùil Lodair.
Very good, but no one has yet mentioned the famous woman, Flora MacDonald, who received a prison sentence for supporting Prince Charles, Charles Edward Stuart, after the Battle of Culloden.
A' bruidhinn air prìosan, dè mu dheidhinn am fear a chaidh a chur fon choill, Raibeart Ruadh MacGriogair, saighdear taobh nan Seumasach? Tha a bheatha làn sgiorraidhean!
Speaking of prison, what about the outlaw, Robert Roy MacGregor, a Jacobite soldier? His life is full of adventures!
Oich, oich! A bheil dad ùr mun sgeulachd sin a-nis?
Oh dear! Is there anything new about that story now?
Tha e cho cliùiteach gun deach Roys Peak is Rob Roy Glacier ann an Sealainn Nuadh ainmeachadh mar chuimhneachan air.
He is so famous that Roys Peak and Rob Roy Glacier in New Zealand were named in his memory.
Nach eil gaisgich ann nach robh a' creachadh agus a' sgrios air feadh an àite?! Dè mu dheidhinn cuideigin nach eil cho aithnichte?
Aren't there heroes who weren't raiding and destroying all over the place?! How about someone less well known?
Seo tè nach eil cho iomraiteach, ach anns na beagan bliadhnaichean a dh'fhalbh a tha air cliù a chosnadh. 'S i Cè NicMhathain tè de na h-oileanaich a thug Clach Sgàin no Lia Fàil à Abaid Westminster air latha na Nollaig ann an 1950.
This is one who is not so famous, but in the last few years she has gained fame. Kay Matheson was one of the students who brought the Stone of Scone, the Stone of Destiny, from Westminster Abbey on Christmas Day in 1950.
Tha fhios ’am cò i! Air sgàth na rinn iadsan, agus daoine eile às an dèidh, thill a' Chlach dhachaigh a dh'Alba ann an 1996.
I know who she is! Because of what they did, and others after them, the Stone returned home to Scotland in 1996.