Culture and heredity
Dualchas is dùthchas
Let's have a look at this discussion. By the end of this section, you will have learned some valuable phrases that you can use in lots of different conversations.
Fhad 's a bha sinn a' cabadaich, cha tug sinn iomradh air dualchas agus mar a bhios sin a' toirt mùthadh air feallsanachd.
While we were chatting, we did not mention culture and how that changes philosophy.
'S cinnteach gu bheil buaidh aig dùthchas air feallsanachd cuideachd.
It is certain that heritage (place of origin) has an influence on philosophy as well.
Mas math mo chuimhne cha tug sinn iomradh air tìm na bu mhotha.
If I remember correctly, we didn't mention time either.
Nam biodh an cothrom agam, bu toigh leam a dhol air ais ann an tìm gu linn feallsanachd nan Greugach.
If I had the chance, I would love to go back in time to the era of Greek philosophy.
Nan robh roghainn agam, bu toigh leamsa a bhith beò san ochdamh linn deug nuair a thòisich Soillseachadh na h-Alba.
If I had a choice, I would like to live in the eighteenth century when the Scottish Enlightenment began.
Bhiodh sin inntinneach! Mun do nochd eimpireachas san linn sin, bha làmh-an-uachdair aig reusanachas.
That would be interesting! Before empiricism appeared in that century, rationalism dominated (had the upper hand).
Ged a tha sin fìor, an do dhìochuimhnich thu feallsanachd eile a shoirbhich air taobh eile na dùthcha?
Although that is true, have you forgotten another philosophy that thrived on the other side of the country?
Chan eil mi gad leantainn. Cò air a tha thu a-mach?
I'm not following you [I don't get it]. What are you on about?
Tha mi a' bruidhinn air na Gàidheil. Bha feallsanachd aca fhèin, saoilidh mi, linntean mus robh Soillseachadh ann an Alba no anns an Roinn Eòrpa.
I am talking about the Gaels. They had their own philosophy, I think, centuries before there was Enlightenment in Scotland or Europe.
Tha mi fhathast san dorchadas, ach cùm ort!
I'm still in the dark, but keep going!
Chan eil agam ach trì faclan beaga dhut: gorm an fheòir! Tha sin a' suathadh ri lèirsinn—an dòigh anns am bi sinn a' faicinn an t-saoghail, chan e a-mhàin dathan ach nàdar san fharsaingeachd.
I have only three little words for you: blue grass! That touches on vision—the way we see the world, not only colours but nature in general.
Ach an e feallsanachd a th' ann an lèirsinn? Mur a h-e feallsanachd a th' ann, dè th' ann?
But is perception/vision a philosophy? If it is not philosophy, what is it?
Smaoinich air bàrdachd is òrain cuideachd. Mar Ghàidheil, saoilidh mi gu bheil sinn (fhathast) ceangailte ris an àrainneachd, far nach eil muinntir a' bhaile-mhòir.
Think about poetry and songs too. As a Gael, I think we are (still) connected to the environment, where the city people are not.
Ach saoil a bheil an fheallsanachd sin fhathast cho làidir air a' Ghàidhealtachd agus anns na h-Eileanan san latha a th' ann?
But I wonder if that philosophy is still as strong in the Highlands and Islands nowadays?